Hinir týndu eru fundnir
Eftir Eileen Mott
Þýtt úr Thy Kingdom Come jan. ‘91
Hlustið á það sem Drottinn talar í Jesaja 1:1-7, til hinna týndu ættkvísla Ísraels, hinna sömu ættkvísla, sem Kristur sendi lærisveina sína til, er hann sagði við þá:
“Haldið ekki til heiðinna manna og farið ekki í samverska borg. Farið heldur til týndra sauða af Ísraelsætt.” (Lesið I. Kon. 11:13, ef þið viljið vita, hvernig þeir týndust)
og hér er það sem Jesaja segir fyrir:
”Heyrið þér himnar, og hlusta þú jörð, því að Drottin talar: Ég hefi fóstrað börn og fætt þau upp, og þau hafa risið í gegn mér. Uxinn þekkir eiganda sinn og asninn jötu húsbónda sins, en Ísrael þekkir ekki, mitt fólk skilur ekki. Vei hinni syndugu þjóð, þeim lýð, sem misgjörðum er hlaðinn, adsprengi illræðismannanna, spilltum börnum. Þeir hafa yfirgefið Drottin, smáð Hinn heilaga í Ísrael og snúið baki við honum. Hvar ætlið þér að láta ljósta yður framvegis, fyrst þér haldið áfram að þverskallast? Höfuðið er allt í sárum og hjartað allt sjúkt. Frá hvirfli til ilja er ekkert heilt, tómar undir, skrámur og nýjar benjar, sem hvorki er kreist úr né um bundið og þær eigi mýktar með olíu. Land yðar er auðn, borgir yðar í eldi brenndar, útlendir menn eta upp akurland yðar fyrir augum yðar, slík eyðing sem þá er land kemst í óvina hendur.”
Hver er þessi sjúka og spillta þjóð, sem veit ekki hvaðan hún kom eða hvaða þjóðerni hún tilheyrir? Gyðingarnir trúa því að þeir viti hverjir þeir séu, svo að það geta ekki verið þeir, sem spámaðurinn talar um. Þeir eru ekki blindir á uppruna sinn. En sannir Ísraelsmenn, hinar tíu týndu ættkvíslir (sem eru Saxar, nefndir eftir Ísak). Þeir eru að miklu leyti fáfróðir um upphaf sitt og fortíð, og margir eru jafn ómeðvitaðir um framtíð sína.
Hverjir eru þeir; Biblían segir við Ísrael í Jesaja 51:1:
”Hlýðið á mig, þér sem leggið stund á réttlæti, þér sem leitið Drottins! Lítið á hellubjargið, sem þér eruð af höggnir, og á brunnholuna, sem þér eruð úr grafnir! Lítið á Abraham, föður yðar, og á Söru, sem ól yður! Því að barnlausan kallaði ég hann, en ég blessaði hann og jók kyn hans.”
Ótvírætt ber að huga að þessu. Hvað sjáum við? Ísrael átti að verða þjóð og fjöldi þjóða (I. Mós. 35:11 – við urð samveldi).
Þjóðin átti að bera mikið nafn. (Hver hefur ekki heyrt um Stóra-Bretland) (I. Mós. 12:2). Bústaður hennar átti að vera á eyjunum, norður og vestur af Palestínu. (Jes. 49:1 og 12). Hún átti að stofna nýlendur erlendis og breiðast út (I. Mós. 29:14), tapa einni nýlendu (U.S.A.) og stækka (Jes. 49:20). Það eru meira en hundrað skilgreiningar á uppruna-einkennum og spádómum í Biblíunni varðandi Ísrael og við höfum rakið slóð þeirra til breska samveldisins, Bandaríkjanna, Skandinavisku landanna, Saxanna í Þýzkalandi, Íslendinga, hópa á Norður-Ítalíu, Normanna í Frakklandi og Húgenotta og meðal allra þjóða, sem trúa því að Jesús Kristur sé sonur Guðs, að hann kom til þessarar jarðar í holdi, að hann fórnaði lífli sínu til frelsunar Ísrael, og til þess að hver sem á hann trúir öðlist sáluhjálp og eilíft líf. (”En ef þér tilheyrið Kristi, þá eruð þér niðjar Abrahams, erfingjar eftir fyrirheitinu.” Gal. 3:29). VIÐ TRÚUM ÞVÍ AÐ HINIR TÝNDU SÉU FUNDNIR.
Hvers vegna segja prestar okkar ekki frá öllu þessu í kirkjunum? Í fyrsta lagi vegna þess, að Ísraelsþjóðin vill ekki heyra það. Í Jesaja 30:8-10 er okkur tjáð:
”Far nú og rita það á spjald hjá þeim og letra það í bók, svo að það á komandi tímum verði til vitnisburðar ævinlega. Því að þetta er þrjóskur lýður, lygin börn, BÖRN SEM EIGI VILJA HEYRA KENNINGU DROTTINS. Þau segja við sjáendur: ’Þér skuluð eigi sjá sýnir,’ og við vitranamenn: ’Þér skuluð eigi birta oss sannleikann. Sláið oss heldur gullhamra og birtið oss blekkingar.’”
Í öðru lagi vegna þess að prédikurum okkar hefur ekki verið bent á, að ástunda þurfi lögmál Guðs í dag. Vissulega hefur þeim verið kennt, að lögmál Guðs hafi verið neglt á krossinn – en hvernig getur þetta verið, þegar Kristur sjálfur sagði, að enginn stafkrókur lögmálsins félli úr gildi, þar til allt væri fullkomnað. Ísrael vill ekki heyra svo afdrifaríkan boðskap, sem okkur er gefinn af spámönnunum. Það gæti nefnilega farið svo, að við það að hlýða á spámennina er þeir með þrumuraust flytja okkur hið fullkomna lögmál Guðs, yrðum við að breyta um lífsstil. Við gætum hlotið dóm fyrir að krefjast vaxta í fjármálaviðskiptum okkar eða við yrðum að taka alvarlega á því að uppræta glæpi meðal þjóða okkar eða að við yrðum á ný að hefja upp helgi hvíldardagsins, og við þyrftum jafnvel sem þjóð að snúa okkur í iðrun til Guðs. Kristur segir í Lúk. 24:25:
”Ó, þér heimskir og tregir í hjarta til þess að trúa öllu því, sem spámennirnir hafa talað!”
Þarna á hann einnig vidð lögmál Guðs. Hver þykjumst við vera, sem teljum að við getum átt sanna heilsu, auð og hamingju, án fullkominnar leiðsagnar, sem Drottinn Guð hefur gefið okkur sem þjóð í sínu?
HVENÆR MUNUM VIÐ VAKNA? Það skal ég segja ykkur, það verður ekki fyrr en við hljótum dóm Drottins af fullum þunga! Hann kemur, efist ekki um það, og vissulega erum við nú að ganga inn í upphaf þess sem koma skal. Hversvegna heldur þú, að við höfum þetta mikla atvinnuleysi? Hvers vegna eru sjúkrahúsin full og aldrei næg rúm? Hversvegna er svo mikil spilling meðal þjóðar okkar og meðal fólks í æðri stöðum? (Ég legg til að þú lesir bækurnar None Dare Call it Treason (Enginn vogar að nefna það landráð) eftir John A. Sormer og None Dare Call it Conspiracy (Enginn vogar að nefna það samsæri) eftir Gary Allen því að þar má sannleik finna.) Enn gæti ég haldið áfram. Stríð og stríðs-fréttir, hræðileg slys á landi, sjó og í lofti. Haldið þið að Guð vilji hafa þetta svona? Já! Því að hann segir, að ef við fylgjum ekki lögmáli hans (sem við gerum ekki, og það á ekki aðeins við um boðorð in tíu, heldur einnig um hegningarlög hans og dóma), þá muni Guð refsa okkur, uns við gerum okkur grein fyrir þeim alvarlegu tímum sem við lifum á, og gefum gaum að fyrirheitum hans, og snúum okkur til hans, sem þjóð, í iðrun. Drottinn hefur nú þegar sannað himneskan kærleika sinn fyrir okkur.
Ísrael hefur áður syndgað og iðrast og þegið fyrirgefningu Guðs, en áður en langt um leið orðið þrjóskur og þverlyndur og snúið sér strax aftur að kjötkötlunum, jafnvel afneitað Guði sínum.
En gefum gætur að því, að Guð sór Abraham forföður okkar eið (I. Mós. 22:16-18). Og þar sem hann er Drottinn okkar og Guð mun hann standa við þennan eið, á sínum tíma og á réttum tíma. Hann frelsaði Ísrael fyrir son sinn Drottin Jesúm Krist og lofað sé nafn hans fyrir það, að enn eru leifar eftir, sem sannarlega trúa og harma það hversu þjóðin brýtur hin fullkomnu lög Guðs. Við bíðum endurkomu Krists til þessarar jarðar. Minnug þessara smáu leifa, skulum við heyra hvað Jesaja 1:9 hefur að segja:
”Ef Drottinn allsherjar hefði eigi látið oss eftir leifar, mundum vér brátt hafa orðið sem Sódóma, - líkst Gómorru!”
Guð sendi kjarnorku sína yfir Sódómu og Gómorru, vegna þess að hann gat ekki fundið fimm réttláta menn í borginni og aðeins Lot, kona hans og tvær dætur komust undan, áður en reiði Guðs dundi yfir. Hvað mun hann finna marga meðal þjóða vorra?
Knúðir áfram af Satan höfðu Kremlverjar ákveðið að jarða okkur og tilkynntu Bandaríkjunum það einnig. En þeir vita ekki, að Drottinn vor hefur önnur áform. Kristur situr nú við hægri hönd Guðs með fyrirheitið, eins og það er í Matt. 22:44:
”Þar til ég geri óvini þína að fótskör þinni.”
Svo virðist sem því séu engin takmörk sett, sem maðurinn getur gert á þessari öld, allt frá undrum læknisfræðinnar, tölvutækni til rafsegulfræði. Það vekti undrun mína ef okkur yrði leyft að ganga mikið lengra. Á tímum Nóa, er Guð sá takmarkalausa framagirni mannsins, þá ruglaði hann tungumálum þeirra, svo að þeir töluðu mismunandi tungur, og afleiðingin varð sú, að þeir dreifðust um alla jörðina. Þar með batt Guð enda á áform þeirra um að byggja turn, sem næði til himins. Mun Drottinn stöðva okkur aftur, áður en við náum því marki, þar sem ekki verður aftur snúið?
Megi Drottinn fjarlægja blinduna, sem hent hefir Ísrael, vegna fráfalls okkar, og megi hann snúa okkur aftur til sín sem þjóð.
Megi hann senda engla sína til að afmá allt það sem hneykslar og er ranglátt. Megi sonur hans, Drottinn Jesús Kristur, koma aftur til jarðarinnar, og setjast í hásæti Daviðs, föður hans, okkar konunglega breska hásæti. (Lúk. 1:32-33). Elísabet, drottningin yfir Bretlandi er af ætt Daviðs. Biblían segir, að Davið og Salómon hafi setið í hásæti Drottins yfir Ísrael. (I. Kron. 29:23).
Verið viðbúin óvæntum og stórkostlegum atburðum, sem munu breyta núverandi, skipulagsháttum kröftuglega. Lestu Biblíuna þína – vak og bið. Já, kristur koma aftur og eins og hann segir:
”Á þeirri stundu, sem þér ætlið eigi.” (Matt. 24:44)
Lofað sé hans nafn og megi hann koma skjótt.
Home Articles
|